महाराष्ट्र राज्य पाठ्यपुस्तक निर्मिती व संशोधन मंडळ (बालभारती) मार्फत किशोर मासिक प्रकाशित केले जाते. किशोर मासिकातून उत्तम बालसाहित्य विद्यार्थ्यांना वाचायला मिळते. शालेय विद्यार्थ्यांना हे मासिक खूप आवडते. या मासिकांमधून विद्यार्थ्यांच्या अभिव्यक्ती ला संधी दिली जाते. राज्यातील विद्यार्थ्यांच्या कविता या मासिकात प्रकाशित होत असतात.
राघुचीवाडी शाळेत दर महिन्याला किशोर मासिकाचे ४४ अंक येतात. सर्व विद्यार्थी आवडीने मासिक वाचतात. या मासिकातून बालसाहित्य सामान्यज्ञान, शब्दकोडी,विज्ञान-तंत्रज्ञान विषयक लेख वाचायला मिळतात.
जिल्हा परिषद प्राथमिक शाळा राघुचीवाडी या शाळेतील इयत्ता आठवीमध्ये शिकणारी विद्यार्थिनी अमृता करवर या विद्यार्थिनीची 'पुस्तक' ही कविता किशोर मासिकाच्या फेब्रुवारीच्या अंकात प्रकाशित झालेली आहे. किशोरमध्ये कविता प्रकाशित झाल्याबद्दल तिचे कौतुक होत आहे. अमृताने शाळेच्या ग्रंथालयातील खूप पुस्तके वाचलेली असून ती वाचलेल्या पुस्तकावर छान पुस्तक परिचय लिहिते. किशोर मासिकात अमृताची कविता प्रकाशित झाल्यामुळे शाळेतील इतर विद्यार्थ्यांनाही कविता,कथा, अनुभव लिहिण्याची प्रेरणा मिळेल.
