शिक्षणातील सुसंवाद..शिक्षण संवाद शिक्षणातील सृजनतेचा,नवतेचा वेध घेणारा शैक्षणिक ब्लॉग...

Tuesday, 1 May 2018

अभिनंदन पत्र

मा.विनोदजी तावडे,मंत्री शालेय शिक्षण व क्रीडा विभाग यांनी सर्व अभ्यासमंडळ सदस्यांशी संवाद साधला. सर्वांचे कौतुक केले.

Monday, 30 April 2018

     स्वच्छ विद्यालय पुरस्कार कार्यशाळा पुणे

     स्वच्छ विद्यालय पुरस्कार कार्यशाळा पुणे
         दिनांक- 27 व 28 एप्रिल 2018
        स्थळ- महाराष्ट्र विद्याप्राधिकरण पुणे.
--------------------------------------------------

भारत सरकारने 2 ऑक्टोबर 2014 पासून संपुर्ण देशात स्वच्छ भारत अभियानाची सुरूवात केली. देशातील सर्व शाळांसाठी सन 2015-16 पासून स्वच्छ विद्यालय पुरस्कार सुरू करण्यात आला आहे.त्याच धर्तीवर महाराष्ट्राने स्वच्छ विद्यालय स्वच्छ महाराष्ट्र उपक्रम राबविण्यास सुरूवात केली आहे.सदर पुरस्कारासाठी राज्य पातळीवर निवड झालेल्या शाळांच्या मुख्याध्यापकांची व राज्य निर्धारकांची कार्यशाळा महाराष्ट्र विद्याप्राधिकरण पुणे,महाराष्ट्र राज्य शैक्षणिक नियोजन व प्रशासन संस्था औरंगाबाद व युनिसेफ यांच्या संयुक्त विद्यमाने महाराष्ट्र विद्याप्राधिकरण पुणे येथे संपन्न झाली.

पुरस्कार निवड
राष्ट्रीय पातळीवर-100 शाळा
राज्य पातळीवर- 40 शाळा
जिल्हा पातळीवर- 48 शाळा

    *मार्गदर्शक*
1) मा.डॉ.सुनिल मगर
संचालक,महाराष्ट्र विद्याप्राधिकरण पुणे.
2) मा.डाॅ.नेहा बेलसरे
संचालक, मीपा औरंगाबाद.
3) मा.वैशाली कांबळे
उपसंचालक,मीपा औरंगाबाद
4)मा.असिफ शेख
कार्यक्रम अधिकारी MPSP मुंबई.
5) मा.संदिप तेंडुलकर
सल्लागार युनिसेफ
6)मा.आनंद घोडके
कार्यक्रम अधिकारी युनिसेफ
7) मा.महादेव माळी

   पहिल्या दिवशी सर्व मान्यवरांनी मुख्याध्यापक व निर्धारकांना सविस्तर मार्गदर्शन केले. दुस-या दिवशी शिरूर तालुक्यातील उपक्रमशील,स्वच्छ विद्यालय राष्ट्रीय पुरस्कार प्राप्त शाळा भेट झाली.

1) जि.प.प्रा.शाळा शिवनगर(डोंगरगण)ता.शिरूर जि.पुणे.
2) आंतरराष्ट्रीय शाळा जि.प.प्रा.शाळा वाबळेवाडी ता.शिरूर

    □ *जि.प.प्रा.शाळा शिवनगर* □
*स्वच्छ विद्यालय राष्ट्रीय  पुरस्कार प्राप्त शाळा*

*खुप कमी कालावधीत  शाळेची गगनभरारी.......*

📌उपक्रमशील शिक्षक श्री.बाळासाहेब घोडे यांनी शाळेची यशोगाथा सांगितली.सर्वजण मंत्रमुग्ध होऊन ऐकत होते.
📌शाळा पहिली ते पाचवी खुपच सुंदर,टुमदार शाळा दिसत होती.स्वच्छ परिसर,टापटिपणा दिसत होता.शाळा ज्ञानरचनावादी,डिजीटल होती.मुलांच्या शिकण्यासाठी अध्ययन समृद्ध वातावरण शाळेत होते.
📌झांडाच्या फांद्यांना लटकवेली गोष्टीची पुस्तके लक्ष वेधून घेत होती.प्रत्येक वर्गात बालवाचनालय होते.
📌चिमण्यांची खास काळजी घेतली जात होती.त्याच्यांसाठी छान घरटी तयार केली होती.मूल्यशिक्षणाचे संस्कार मुले जगण्यातून अनुभवत होते.मुलांना पिण्यासाठी R.O.चे शुद्ध पाणी होते.
शालेय व्यवस्थापन समिती व शिक्षक पालक संघाच्या अध्यक्षांचे उत्तम सहकार्य होते.
📌दर गुरूवारी शाळेत खास गप्पांचा तास मुलांसाठी असतो.मुले प्रश्न विचारतात,शिक्षक उत्तरे देतात.मुले कशी भन्नाट प्रश्न विचारतात याची काही उदाहरणे सरांनी सांगितली.
मुले स्वतः नळाची दुरूस्ती करतात.विज्ञानाचे प्रयोग करतात.

*आंतरराष्ट्रीय शाळा जि.प.प्रा.शाळा वाबळेवाडी ता.शिरूर जि.पुणे.*
📌 शांतीनिकेतनच्या संकल्पनेवर शिक्षण प्रक्रीया
  विषयानुसार वर्गखोल्या.....
📌स्वतंत्र ग्रंथालय, संगीत कक्ष,स्वतंत्र अद्ययावत प्रयोगशाळा,काचेच्या वर्गखोल्या,शाळेची संपूर्ण वीजनिर्मिती सोलारवर,लाॅनवर खेळाची मैदाने.
📌बॅक ऑफ न्यूयॉर्क च्या मदतीने काचेच्या वर्गखोल्यांची निर्मिती.लोकसहभागातून शाळेची समृद्धी....
📌शालेय व्यवस्थापन समितीचे अध्यक्ष पिसा परीक्षेच्या तयारीबद्दल बोलत होते.
📌32 वरून 350 पट
📌पुढील वर्षी अॅडमिशन वेटिंगवर..शाळेत मुलांचा ओढा वाढला.लवकरच 1000 पटाची शाळा होणार.
📌 पालक दररोज देतात शाळेसाठी वेळ
📌अध्ययन समृद्ध शालेय वातावरण
📌 गावातील यात्रा रद्द करून गावकरी देतात शाळेला लोकसहभाग......
📌 मुले प्रयोगशाळेत स्वतः प्रयोग करतात.
📌 शाळेत वाय-फाय...शेवटच्या तासीकेत मुले वाय-फाय चा उपयोग करून प्रश्नांची उत्तरे शोधतात.

उस्मानाबाद जिल्ह्यातील राज्य स्तरावर निवड झालेल्या शाळेचे मुख्याध्यापक  श्री.नागनाथ गटकळ हे कार्यशाळेत सहभागी होते.

या शाळा भेटीत खुप काही शिकायला मिळाले.
मा.असिफ सर व त्यांच्या टिमने कार्यशाळेसाठी प्रचंड मेहनत घेतली.

समाधान शिकेतोड
राज्य निर्धारक,स्वच्छ विद्यालय पुरस्कार

Thursday, 15 March 2018

भाषा शिक्षण समजून घेताना....

भाषा शिक्षण समजून घेताना.....
--------------------------------------------------

महाराष्ट्र विद्या प्राधिकरण पुणे,युनिसेफ व क्वेस्ट यांच्या संयुक्त विद्यमाने क्वेस्टचा  मराठी ऑनलाईन कोर्स सुरू आहे. या कोर्स चे पाचवे संपर्क सत्र प्रत्यक्ष क्वेस्टमध्ये  सोनाळे ता.वाडा जि.पालघर येथे दि.12 व 13 मार्च रोजी संपन्न झाले.मा.निलेश निमकर सरांचे अनमोल मार्गदर्शन  लाभले.आमच्या मार्गदर्शक  मा.सुजाता लोहकरे मॅडम  विभाग प्रमुख मराठी तथा उपसंचालक विद्याप्राधिकरण पुणे ह्या आमच्यासोबत होत्या.

-----------------------
फिल्ड व्हिझीट
-----------------------
📌 अंगणवाडी भेट:-

पहिल्या दिवशी आमचे चार गट करून परिसरातील अंगणवाड्या पाहण्यासाठी गेलो होतो.पूर्व प्राथमिक स्तरावरील उत्तम शिक्षण मुलांना क्वेस्टच्या मदतीने दिले जात आहे.तिथल्याच अंगणवाडी ताई कशा पद्धतीने दिवसभरात विविध भाषिक उपक्रम राबवतात हे प्रत्यक्ष पाहायला मिळाले. वारली भाषा असतानाही बोलीकडून प्रमाणभाषेकडे मुले येत असल्याचे दिसून आले.अंगणवाडीचे दररोज घ्यावयाच्या उपक्रमाचे दैनिक नियोजन होते.याप्रमाणे
मुक्तखेळ,बडबडगीत,परिपाठाचे उपक्रम, सहभागी वाचन,अभिनयगीत,भाषानुभव,गणिती अनुभव, विज्ञानुभव,कलानुभव,मोठा खेळ, गोष्ट.
याप्रमाणे नियोजन होते.हे सर्व उपक्रम किती छान पद्धतीने राबवले जात असून मुलांना समृद्ध अनुभव मिळत होते.याबद्दल कौतुक वाटले.

📌 बालभवन भेट:-
दुपारच्या सत्रात एका आश्रमशाळेतील बालभवनाला भेट दिली.क्वेस्टच्या मदतीने बालभवन चालवले जाते.भाषाशिक्षण,गणिताचे शिक्षण,या विषयांचा इतर विषयांशी समन्वय हे तेथिल अध्ययन समृद्ध वातावरणातून दिसून आले. बालभवनातील विद्यार्थ्यांना एकाच वर्गात गटागटात  बहूस्तर अध्ययन अनुभव दिले जात होते. इथले माझे पुस्तक, स्व-अभिव्यक्तीत फलक,माझे लेखन,गोष्टीचे स्वलिपीत लेखन,वर्तमानपत्रातील कात्रणांचा संग्रह असे खुप छान छान उपक्रम समजून घेतले.

क्वेस्ट मध्ये आल्यावर मा.निलेश सरांशी चर्चा केली. अतिशय दुर्गम भागातील वेगवेगळ्या ठिकाणी अंगणवाड्याचे कसे उत्तम काम चालू आहे. याचे अनुभव ऐकले.आदिवासी भागातील रचनात्मक काम पाहून सर्वजण भारावून गेले होते.गाड्यातून फिरताना सागाचं जंगल,विरळ दहा-पाच कौलारू घरे किंवा लिंपलेल्या झोपड्या दिसत होत्या.

----------------------
*दुसरा दिवस*
-----------------------

#गोष्ट रंग#

क्वेस्ट चा गोष्ट रंग हा खुप छान उपक्रम. याबद्दल या अगोदर ऐकलं होतं. आज प्रत्यक्ष गोष्ट रंग अनुभवायला मिळाले. संतोष गायकवाड व अश्विनी पांडे यांनी एक गोष्ट सादर करून दाखविली.लहान मुलांसाठी क्वेस्ट ची टिम नाट्यीकरणातून गोष्टीचे सादरीकरण करते. याला मुलांचा खुपच छान प्रतिसाद मिळतो.याबद्दलचे अनुभव सिनेअभिनेते अतुल कुलकर्णी यांच्या सौभाग्यवती कुलकर्णी मॅडम यांनी शेअर केले.

📌 पुस्तक गाडी:-

पुस्तक गाडी हा क्वेस्टचा खुप छान उपक्रम. वेगवेगळ्या वयोगटातील मुलांसाठी छान छान पुस्तके पुस्तक गाडी घेऊन जाते. यामुळे वाचनाची गोडी लागते.

📌 मा.निलेश सरांनी *वाचन* यावर खुप छान मार्गदर्शन केले.देशविदेशातील संशोधनाच्या माध्यमातून हा विषय खुप छान समजून सांगीतला.

मराठी विषयाच्या विषय सहायकांना समृद्ध अनुभव मिळाले.निसर्गाच्या सान्निध्यात कसे दोन गेले काही समजले नाही.स्वतःला समृद्ध करणारा एक अविस्मरणीय अनुभव.

समाधान शिकेतोड
विषय सहायक
जिल्हा शैक्षणिक सातत्यपूर्ण व्यावसायिक विकास संस्था उस्मानाबाद.