शिक्षणातील सुसंवाद..शिक्षण संवाद शिक्षणातील सृजनतेचा,नवतेचा वेध घेणारा शैक्षणिक ब्लॉग...

Sunday, 10 December 2017

क्वेस्ट कार्यशाळा


भाषा शिक्षण च्या बाबतीत क्वेस्ट चा ऑनलाईन कोर्स करतोय....स्वतःला समृद्ध करतोय.तिसरे सत्र नुकतेच पुण्यात झाले.याबाबतचा आमच्या क्वेस्ट मधील मित्राने मांडलेला हा अहवाल......

ऑनलाईन भाषा कोर्सचे तिसरे संपर्क सत्र ३ आणि ४ डिसेंबर रोजी पुणे येथे झाले. भाषेतील ध्वनींची जाण वाढवणारे उपक्रम कसे घ्यावेत, मुलांना लिपी परिचय कसा करायचा याचा अभ्यास सहभागींनी केला. नीलेश निमकर सरांनी या क्षेत्रातील आपल्या २० पेक्षा जास्त वर्षांच्या अनुभवाआधारे याविषयाचे खूप चांगले विवेचन केले. ह्या चर्चेमध्ये महाराष्ट्रातल्या वेगवेगळ्या भागात कोणती पद्धत वापरली जाते यावर चर्चा झाली. क्वेस्टने तयार केलेल्या व्हिडिओंच्या माध्यमातून सहभागींना प्रत्यक्ष वर्गात काय करावे याची स्पष्टता मिळाली.
याशिवाय सहभागींनी ‘प्रारंभीचे वाचन शिकवणे- महाराष्ट्रातील अनुभव’ या मॅक्सीन बर्नसन यांनी लिहिलेल्या लेखावर विस्तृत चर्चा केली. बालभारतीची स्थापना झाल्यापासून त्यांनी तयार केलेले पहिलीचे पुस्तक कशा पद्धतीने बदलत गेले याची परखड चिकित्सा मॅक्सिन मावशींनी या लेखात केली आहे.
महाराष्ट्रभर असलेल्या अनेक जाती-जमाती आणि त्यांच्या बोली भाषेतील वैविध्य यांचा वापर करून एकच पाठ्यपुस्तक संपूर्ण महाराष्ट्रासाठी बनवणं अगदी कठिण आहे. त्यामुळे पाठ्यपुस्तक बनवण्याची क्रिया जिल्हानिहाय किंवा विभागनिहाय केली तरी ते साध्य होणं अवघड आहे पण इथे उपस्थित असलेल्या आणि हा कोर्स करत असलेल्या विषयतज्ज्ञांनी त्यादृष्टीने प्रयत्न करणे आवश्यक असल्याचे मत महाराष्ट्र विद्या प्राधिकरणाच्या मराठी विभाग प्रमुख सुजाता लोहकरे यांनी मांडले. (रिपोर्ट - विनय टांकसाळे)

Monday, 4 December 2017

मूलभूत वाचन क्षमता विकास कार्यक्रम प्रशिक्षण

मूलभूत वाचन क्षमता विकास कार्यक्रम प्रशिक्षण
----------------------------------------------------------
दिनांक- 29 ते 30 नोव्हेंबर 2017
स्थळ- DIECPD उस्मानाबाद. 

इयत्ता पहिली ते पाचवीतील शंभर टक्के मुलांचा मूलभूत  वाचन क्षमता विकास प्रशिक्षणची तालुकास्तरीय सुलभकांची प्रशिक्षणपूर्व तयारी कार्यशाळा संपन्न होत आहे.

● मा.मुख्य कार्यकारी अधिकारी यांची भेट●
मा.अनुप शेंगुलवार
मुख्य कार्यकारी अधिकारी जि.प.उस्मानाबाद.
  मा.डाॅ.कलिमोद्दीन शेख
प्राचार्य DIECPD उस्मानाबाद.
मा.सचिन जगताप 
शिक्षणाधिकारी (प्रा.)जि.प.उस्मानाबाद. यांनी
प्रशिक्षणाला भेट दिली.

मा.मुख्य कार्यकारी अधिकारी साहेबांनी प्रशिक्षणार्थींशी संवाद साधला. प्रेरणादायी व उर्जस्वल मार्गदर्शन केले.

    □ *प्रशिक्षणाची उद्दिष्टे*□
1) वाचन शिकण्याचे टप्पे व त्यासाठीची सुलभकांची भूमिका याबाबतच्या शिक्षकांच्या व पर्यवेक्षीय यंत्रणेतील व्यक्तींच्या संकल्पना स्पष्ट करणे.
2) इयत्ता पहिली ते पाचवीत  शिकणा-या प्रत्येक विद्यार्थ्यांच्या मूलभूत वाचन क्षमतेचा विकास करण्यासाठी विद्यार्थीनिहाय कृतीकार्यक्रम तयार करण्याची शिक्षकांची क्षमता विकसित करणे.*

    ●राज्य सुलभक/ संवादक●
  1) मा.नवनाथ धुमाळ
       मराठी विभाग प्रमुख
   2) मा. नारायण मुदगलवाड
          अधिव्याख्याता
   3) श्री.समाधान शिकेतोड
          विषय सहायक
   4) श्री.किरण विभुते
       उपक्रमशील शिक्षक
      
दुपारच्या सत्रात मा.डाॅ. शेख साहेबांनी प्रशिक्षणाची उद्दिष्टे,समता ते मूलभूत वाचन,बहुभाषिक शिक्षण या विषयावर मार्गदर्शन केले.दिवसभराचा आढावा घेतला.

            समाधान शिकेतोड
जिल्हा शैक्षणिक सातत्यपूर्ण व्यावसायिक विकास संस्था उस्मानाबाद.

Check out @Samadhanshiketo’s Tweet: https://twitter.com/Samadhanshiketo/status/937745348306526208?s=09